المثل الشائع يقول “أعز الولد ولد الولد”، ومن هنا يجي تأثير الجدات في حياتنا. الجدات مش بس كانوا يهتموا بكل تفاصيل حياتنا، من أكلنا لحد صحتنا، وكأنهم دايمًا شايفيننا أقل من المفروض أو ناقصين حاجة، فتلاقيهم دائمًا يقولوا “إنت خاسس أوي، مش بتاكل كويس”. لكن تأثيرهم مش واقف عند الأكل بس، هما كمان كانوا بيثروا في حياتنا بحكاياتهم وحواديتهم، وبالأمثال الشعبية اللي كانت دايمًا تخرج منهم في كل موقف.

الأمثال الشعبية دي، رغم بساطتها، فيها حكمة كبيرة وبتعبر عن تجارب الحياة بطريقة مختصرة وعميقة. وكل ما كبرنا، اكتشفنا قيمة الأمثال دي وفهمنا معانيها الحقيقية. في ثقافتنا العربية والمصرية، بنقول للجدة “سِتِّي”، وهي تمثل رمز الحكمة والمواقف.

في كتاب “سِتِّي قالتلي”، جمعت لكم مجموعة من الأمثال الشعبية المصرية والعربية مع شرح بسيط لمعانيها وأوقات استخدامها. الأمثال دي جزء من تراثنا الشعبي المحفوظ في الكتب والموسوعات على مر العصور. وكما قالت سِتِّي: “من فات قديمه تاه”، ده الوقت الأنسب لنعيد اكتشاف تراثنا ونفهمه بشكل ممتع وسهل.

وأنت بقى، سِتَّك قالت لك إيه؟