سندريلا سيكريت

سندريلا سيكريت
أغلبنا اتربى على قصص وأساطير سندريلا والأميرات.. واتزرع فينا بشكل ما إن الحياة السعيدة هتحصل لما مشاكلنا تنتهي بمعجزة.. ونلاقي الأمير الجامد اللي نقع في غرامه.. ونتجوز ونعيش عيشة فل.. وتوتة توتة خلصت الحدوتة! وكل ده كلام جميل كلام معقول ماقدرش أقول حاجة عنه.. لكن للأسف مالوش أي علاقة بالواقع! الواقع إن سر العيشة الفل هو السؤال اللي حيّر الملايين.. السؤال اللي هنحاول نجاوب عليه من خلال صفحات الكتاب.. السؤال اللي لو معندكيش إجابة عليه يبقى إنتي غالبًا ماشية في مسار غلط عشان توصلي مكان انتي مش عايزه تروحيه.. يبقى انتي عايشة زي ما المجتمع بيقولك وخلاص.. بتدوري على السعادة والنجاح في حدود القالب اللي مجتمعك حطك فيه، سواء كان اسمه كليات القمة أو العربية الشيك أو الجوازة اللي “شكلها” حلو وخلاص.. مشدودة بين اللي بيقولك إنك دورك في الحياة إنك تتجوزي وتخلفي وبس.. وبين اللي بيقولك اتمردي على الرجالة كلها بلا وجع دماغ!

إيه هو بقى سر العيشة الفل؟

سندريلا سيكريت