نفسك هي أقرب حاجة ليك قبل أي حد تاني، هي اللي بتفضل لك بالليل، وهي أكتر حد حاسس بيك، وأكتر حد معاك في الحلو والصعب، هي اللي حست بالوجع اللي عمرك ما هاتعرف توصفه لحد، وهي اللي حست بالفرحة اللي الكلام عجز عن التعبير عنها، هي مركز أسرارك ومنبع أفكارك، هي نفسك، هي أنت.
ولكنها آخر أولوية، بننسى نفسنا، وننسى احنا مين وبنحب ايه وعايزين ايه وسط زحمة الحياة ومتطلباتها، بننساها، والأيام والسنين بتعدي وتوحشنا هدوء نفسنا وسط دوشتنا.
ولازم توحشك قعدتك مع نفسك زي ما الناس اللي بتحبها بيوحشوك بالضبط، وساعات نفسك هتديك كل الإجابات اللي بتدور عليها، لو سمعتها بس.